A exposición “40 anos de autonomía de Galicia nas caricaturas de Siro”, que se atopa na sede Afundación de Ferrol, recibirá esta tarde, a partir das 19.00 horas, a todo o público interesado en realizar unha visita guiada co seu artífice, o artista Siro López.
A entrada é de balde, aínda que é preciso reservar praza neste enlace á web Ataquilla. A mostra é un proxecto do Parlamento de Galicia no que se exhiben debuxos inéditos sobre os últimos anos da política galega.
