A carpa de Nadalia, instalada no Cantón, albergará neste mesmo sábado a súa Festa de Nadal Apego, dirixida ao público familiar, con entrada libre.
O evento ocupará boa parte da xornada, comezando ás 12.30 horas co espectáculo “Contos para caghar patatillas”, a cargo de Brais das Hortas. O programa continuará ás 16.30 horas, coa historia “O Castiñeiro do Apalpador”, de Fantoches Baj e rematará ás 18.30 horas coa proposta escénica de Peter Punk “Con lingua propia”.
