As presentacións literarias que organiza a Central Librera da rúa Dolores continúan este sábado, ás 12.00 horas, coa obra de Medos Romero “As flores do baleiro”.
Trátase dun poemario que evoca temas como a fraxilidade do ser humano, o seu egoísmo e a súa necidade, entre outros como a dor na soidade extrema da pandemia. A autora, que en 2021 obtivo o Premio de Poesía Afundación e Premio Nacional da Crítica por “O sol era Ela”, estará acompañada da sanitaria Tamara Dalama e do director de Edicións de Galaxia, Marcos Calveiro.
