A actividade "Conversas na biblioteca" diríxese a mozos e mozas de entre 14 e 17 anos que lles guste o mundo da comunicación e consiste en distintas leccións da man de profesionais de ámbitos variados, que están enfocadas ás relacións entre a lectura e as bibliotecas co ámbito laboral.
Sara Noguerol será a convidada que estree esta iniciativa, que ademais de avogada é community manager especialista en publicidade e marketing dixital. As sesións serán na biblioteca municipal, de 11.00 a 12.30 horas, o vindeiro luns cunha master class e o día 29 cun “briefing literario”. Para asistir hai que anotarse enviando un correo a biblioteca@ferrol.es.
