Os xéneros rock e punk, con letras en galego, serán de novo os protagonistas do encontro que propón a asociación cultural Artábria esta semana.
Trátase dunha cita que se propón ao final desta Semana Santa baixo a denominación de “Domingo de Insurrección”, e que se desenvolverá en horario de sesión vermú, este domingo a partir da 13.00 horas. No concerto volverán compartir escenario Manu Kasoaparte e Fran Zélop, que actuarán con billeteira inversa, aínda que dende a organización recomendan unha achega mínima de cinco euros.
