Os interesados en apuntarse á Escola Oficial de Idiomas como novo alumnado para o curso 2024-2025 poden formalizar a súa solicitude até o día 5 de xullo.
A preinscrición, que debe realizarse en liña, do mesmo xeito que o resto dos procesos da Escola de Idiomas, resolverase coa adxudicación o día 9 de xullo. Nesta data, aqueles que concorreran na convocatoria deberán comprobar na aplicación se están admitidos. En caso positivo, haberá que aceptar a praza e proceder coa matrícula, do 9 ao 19 de xullo.
En cambio, para aqueles estudantes que xa participaran no presente curso 2023-2024, o prazo para matricularse na convocatoria extraordinaria abrirá este venres 28 e pechará o 5 de xullo ás 12.00.
