As festas do Carme das Pontes están a piques de rematar, e farano coma sempre coa Romaría da Fraga, que se celebra mañá vernes na carballeira de Dona Rita. Non obstante, antes aínda queda troula:
Este mesmo xoves, a partir das 12.00 horas, o grupo tradicional Canavella percorre as rúas da vila, precedendo ao Festival A Fraga da noite, que comezará ás 22.30. Neste encontro, subirán ao escenario os proxectos musicais de Nimbos, Ailá, The Rapants e Señora DJ.
