PAXAROS, HETERÓNIMOS E REALIDADES

Estou convencido de que Nicolás Maduro, gañador das eleccións venezolanas e novo presidente da República Bolivariana, non coñece a vella lenda de Ero de Armenteira –recollida por Alfonso X na Cantiga 103 de Santa María–, que botou 300 anos escoitando un paxariño. Mais, na campaña electoral, deixouse guiar por outro que era o espírito de Chávez. O seu contrincante, Capriles, pola contra encomendouse á Virgen del Valle, compañeira de anos. Supoño que sen coñecer as relacións da ministra Báñez coa Virgen del Rocío. A patroa de Oriente perdeu a batalla contra o paxariño. Mais, se o que viu Maduro non era un paxariño senón o Espírito Santo en forma de pomba ¿quen tiña que gañar? Doutores ten a igrexa para dilucidar sobre estas advocacións. O preocupante é que as dereitas extremas, o capitalismo puro e duro, que nos rodean por todas partes, non están conformes coa súa derrota. E andan a tocar o que tocan sempre. O imperio manda e o Goberno español obedece, volvendo dar a nota. ¡Ollo!