A escritora pontesa Medos Romero presenta mañá venres, ás 20.30 horas, na biblioteca municipal da súa vila natal, o seu traballo poético máis recente, “A ansia do lóstrego”. O libro edítao Follas Novas, na colección “Libros da Frouma”. Nel, esta comprometida autora reflexiona sobre o expolio ó medio ambiente e ós recursos naturais a partir dunha experiencia tan próxima como é o xacemento mineiro das Pontes e a expulsión da xente das súas terras. A obra inclúe tamén fotografías do pontés Antonio López sobre o traballo que se desenvolveu durante décadas na mina de Endesa.
