A cidade de Ferrol acollerá a súa próxima Feira do Libro entre os días 22 e 26 do próximo mes de abril

As Feiras do Libro de Galicia 2015 iniciarán o vindeiro mes de abril un percorrido polas catro provincias galegas que as levará ata o mes de agosto por Pontevedra, Ferrol, Santiago de Compostela, Lugo, Ourense, Vigo, Ribeira, A Coruña, Viveiro, Foz e Monforte de Lemos. Federación de Librarías de Galicia e Consellería de Cultura, Educación e Ordenación Universitaria organizan esta actividade, presentada onte, que no caso de Ferrol será a segunda do calendario e se celebrará entre os días 22 e 26 do próximo mes.