Presentouse onte no Ateneo Ferrolán a compilación “Escolma Salvaxe 2007-2013”, un amplo volume con 42 poetas que pasaron por Ferrol os seis primeros anos e sete edicións pola Semana da Poesía Salvaxe. O acto contou coa presenza dos seus coordinadores Guillermo Ferrández e Karlotti, aínda que o terceiro, o exasesor cultural Marcos Lorenzo, non puido asistir. Con eles presentaron a iniciativa os profesores Miguel Castro e José Torregrosa, nun concorrido acto ao que non faltou unha boa representación da cultura non oficial da cidade. A presentación de “Escolma Salvaxe” tamén estivo adornada pola música do cantautor Manolo Bacalhau.
Como salientaron os seus responsables, o libro quere ficar como un testemuño dos seis primeiros anos e sete edicións da iniciativa poética que reúne nos rúas, bares, prazas e mercados da cidade a poetas de toda Galicia, España e Portugal. Unha mestura heteroxénea en canto a voces, temáticas e idades e á que Ferrol e a “Semana” dan sentido. O volume, xa á venda a un prezo de 15 euros, inclúe a 42 poetas e imaxes de varias das edicións dun evento ao que o libro servirá, precisamente, para axudar a celebrar a súa IX edición o próximo mes de abril.
