Cunha atención especial á artesanía, coa presenza de arredor de quince postos, desenvolveuse onte a IV Feira “Da Graña ao mar”, na que tamén houbo espazo para a venta de artigos de segunda man así como para a música e a gastronomía. A actuación de Terra Meiga amenizou ao mediodía unha cita que pola tarde abriu paso a unha “masterclass” de zumba, ó recital do grupo Etnográfico As Mariñas, á entrega de premios do certame de decoración do barrio e á viaxe en lancha pola ría.
Un “foodtruck” de produto galego co cociñeiro Antonio Díaz e o mesón Trillo, que instalou un posto no peirao, ofreceron os seus menús nun programa que concluíu coa música de Jorge Latino e unha chorizada.
