O teólogo Juan José Tamayo presenta este sábado en Ferrol o libro máis recente, “Invitación a la utopía. Estudio histórico para tiempos de crisis” (publicado por Trotta). Será ás sete da tarde, nun acto que se celebrará na galería Sargadelos e que está organizado polo Club de Prensa.
Tamayo é catedrático da Universidad Carlos III de Madrid. Teólogo relacionado coa Teoloxía da Liberación, é membro da Asociación de Teólogos e Teólogas Xoán XXIII. Ademais da súa actividade académica, colabora habitualmente en publicacións como El País, El Periódico de Catalunya e El Correo, e tamén con Ferrol Análisis, donde publicou varios artigos.
Nesta obra revisa os feitos máis importantes “da historia das utopías, contrautopías e distopías” coa intención de “activar a utopía con sentido crítico e dialéctico no medio da oscuridade do presente” e de “poñela ó servizo da emancipación humana e da liberación dos pobos”, explican na presentación editorial.
