A Feria do Libro de Ferrol celebrarase no Cantón do 19 ó 23 de abril e volverá ser a máis madrugadora
A Feira do Libro de Ferrol volverá ser a primeira que se celebre en Galicia esta tempada, xa que ocupará o Cantón de Molíns entre os días 19 e 23 de abril. Estas datas publicáronse no Diario Oficial de Galicia, dentro da orde pola que se regulan as feiras culturais.
Ademais da de Ferrol, haberá celebracións na rúa en Santiago de Compostela (do 27 de abril ó 5 de maio), Lugo (do 14 ó 19 de maio), Pontevedra (do 21 ó 26 de maio), Ourense (do 4 ó 9 de xuño), Vigo (do 28 de xuño ó 7 de xullo), Rianxo (do 25 ó 27 de xullo), A Coruña (do 1 ó 11 de de agosto), Viveiro (do 13 ó 16 dese mes), Foz (do 17 ó 20) e Monforte (do 22 ó 25).
Na realización destas feiras colaboran a Consellería de Cultura e Educación e a Federación de Libreiros de Galicia. Para este ano anuncian que se potenciarán estas celebracións en torno ó libro con actividades culturais, artísticas e animación de rúa. O obxectivo é o de darlle maior dinamismo a estas propostas que son, ademais, “un excelente escaparte par dar a coñecer as novidades editoriais”, di Cultura.
