O exfiscal anticorrupción Carlos Jimémez Villarejo visitou onte Ferrol para pronunciar unha conferencia no Centro Carvalho Calero do Inferniño.
Fíxoo convidado pola asociación cultural Fuco Buxán. Así, trala presentación de Víctor García Novás e Rafael Pillado, Jiménez Villarejo pronunciou a conferencia titulada “Jueces: la presencia del franquismo”, un resumo do libro, publicado xunto a Antonio Doñate, “Jueces pero parciales. La pervivencia del franquismo en el Poder Judicial” (Pasado&Presente), con prólogo do historiador Josep Fontana.
exemplos
Ao longo da súa intervención, Jiménez Villarejo fixo un seguimento de distintos casos penais (desde o de Companys ao de Baltasar Garzón), citando unha ampla documentación, e denunciando o continuísmo da manipulación represiva do réxime franquista nas esferas do poder xudicial durante a transición e ata a actualidade. A memoria histórica e á sala do militar do Tribunal Supremo servíronlle ao exfiscal para denunciar o “conservadurismo reaccionario” nesta esfera xudicial.
Finalmente, a conferencia rematou nun coloquio cos asistentes ao Carvalho Calero.
