Os fotógrafos Fran Nieto e Anabel Viñas expoñen desde onte no Ateneo Ferrolán a súa nova proposta visual: “A diario”. Trátase dunha mostra composta por vinte obras que reflexionan sobre a noticia impresa nos xornais. A dimensión física e temporal da mesma explicada a través do formato fotográfico. Esta curiosa aposta pode verse ata o 27 de marzo de luns a venres en horario de 11.00 a 13.30 horas, e de 17.00 a 21.00.
pintura protesta
Ademais de fotografía, o Ateneo Ferrolán inaugura hoxe unha exposición de pintura baixo o título de “Xaque mate”. A artista Beatriz Barcia é a responsable desta mostra de acrílicos sobre lenzo con imaxes que reinterpretan o xogo do xadrez e a súa sorte final –o xaque mate– enfocada a temas de carácter social. Barcia asegura que “noutros tempos facíase cancións protesta. Pois ben, na actualidade eu reivindico a pintura protesta”.
“Xaque mate” inaugúrase hoxe ás 20.30 horas e pode verse ata o próximo 3 de abril en horario de de luns a venres de 11.00 a 13.30 horas e de 17.00 a 21.00
