“O libro pretende ser unha guía para estudantes, profesores e, en xeral, para toda persoa que queira ter a man, ler en calquera momento poemas que marcaron páxinas brilantes na literatura galega, castelá e hispanoamericana”. Así resumiu o profesor José Antonio Ponte Far a cerna de “Los poemas que no puedes dejar de conocer”, un traballo que onte presentou na sede ferrolá da UNED acompañado polo ilustrador da obra, Pedro Castro.
O acto contou cun recital poético final a cargo das profesoras Ángeles Seoane, Ana Vizoso e Viki Taibo. O volume inclúe 101 poemas de autores variados de espazo e tempo entre os que están nomes referenciais como Quevedo, Machado, García Lorca, Rosalía de Castro, Cunqueiro, Xulio Valcárcel, Benedetti, Neruda ou Rubén Darío.
