Música tradicional
Xa están dispoñibles as invitacións para non perder a celebración dos 111 anos do Toxos e Froles
Os pases para este gran espectáculo que reunirá arredor de 70 persoas no escenario do Jofre poden retirarse na billeteira do teatro, totalmente de balde
Unha das actuacións no 110 Aniversario do Toxos e Froles, o pasado 2025 no teatro Jofre
Emilio Cortizas
O Real Coro Toxos e Froles conmemorará este domingo 7, a partir das 20.00 horas no Jofre, un ano máis de actividade cultural en Ferrol, propoñendo un auténtico espectáculo de exhibición das distintas seccións que conforman a entidade.
Dende este mesmo martes 2 están dispoñibles as invitacións, totalmente de balde, na billeteira do teatro, a cuxo escenario subirán, no marco deste Festival 111 Aniversario, arredor de 70 mulleres e homes, repartidos entre coristas, cantareiras, instrumentistas e bailadores. Así, cumprirase cunha homenaxe máis na lembranza daqueles 15 pioneiros que debutaron neste espazo no 1915.
