Afundación amplía o tempo para visitar a exposición “Comedy Wildlife”, que fusiona humor con concienciación ambiental e que xa albergaban as instalacións de Ferrol. O final do prazo cambiouse para o próximo día 27 e permanecerá aberta de luns a venres, de 11.00 a 14.00 horas e de 17.00 a 20.00.
Os sábados mantense no horario de mañá e o da tarde rematará ás 19.00. Esta mostra está organizada en colaboración con Terra Espléndida e vén de ateigar o ano pasado numerosos museos en distintos puntos do panorama internacional como por exemplo os Países Baixos, Inglaterra, Portugal ou Canadá.
